اڱارو 22 جنوری 2019ء
**تازه ترين**اسلام آباد: ساهيوال سانحي تي عوام جو ڏک ۽ ڪاوڙ کي جائز آهي** ذميوارن کي مثالي سزا ڏني ويندي: وزير اعظم عمران خان** مان قوم کي يقين ڏياريان ٿو ته منهنجي قطر جي دوري تان واپسي تي نه رڳو واقعي جي ذميوارن کي واقعي جي سزا ڏني ويندي پر پنجاب پوليس جي سموري ڍانچي جو جائزو وٺڻ بعد سڌارن جو عمل شروع ڪنداسين: وزير اعظم عمران خان** لاهور: ساهيوال واقعي جي شروعات جاچ ۾ قتل جو ذميوار سي ٽي ڊي اهلڪارن کي قرار ڏنو ويو آهي** لاهور: ساهيوال واقعي جي جي آءِ ٽي رپورٽ سڀاڻي اچي ويندي ۽ ان تي ايڪشن کڻي ڏيکاريندس: وزير اعليٰ پنجاب** اسلام آباد: راؤ انوار کان وٺي ساهيوال سانحي تائين جعلي مقابلن جو خاتمو اسان جو فرض آهي: وفاقي وزير شيرين مزاري**اسلام آباد: العزيز ريفرنس: نواز جي اپيل ۽ سزا معطلي جي درخواست تي نيب کان جواب طلب**

سنڌ جي گورنر جي قائداعظم محمد علي جناح جي مزار تي حاضري، گلن جي چادر چاڙهي

ڪراچي(سوڀ نيوز) سنڌ جي گورنر عمران اسماعيل اڱاري جي ڏينهن صبح جو مزار قائد تي حاضري ڏئي گلن جي چادر چاڙهي ۽ فاتحه خواني ڪئي ۽ مهمانن واري ڪتاب ۾ پنهنجا تاثرات قلمبند ڪيا ان موقعي تي ميڊيا سان ڳالهائيندي هن چيو ته صوبي جي ترقي ۽ خوشحالي جي لاءِ هر ممڪن ڪوشش ڪندس جڏهن ته ڪراچي ۾ جلد ئي پاڻي جو منصوبو شروع ڪيو ويندو هن چيو ته صوبي جي سمورين سياسي پارٽين کي گڏ کڻي هلڻ چاهيان ٿو پوءِ اهي سياسي پارٽيون اسيمبلي ۾ هجن يا اسيمبلي کان ٻاهر هجن. هن چيو ته صوبي جي مسئلن بابت بريفنگ وٺندس، پاڻي جي مسئلي تي وزير اعظم ۽ ناڻي واري وزير سان ڳالهه ٻولهه ٿي آهي اسان پاڻي جو هڪ وڏو منصوبو آڻينداسين. هن چيو ته ڪراچي شهر ۾ سيوريج جا سمورا مسئلا حل ڪنداسين ۽ رڪيل منصوبن تي فوري طور تي ڪم شروع ڪنداسين گرين لائين ۽ ٻين منصوبن تي به بريفنگ وٺندس.