اڱارو 22 جنوری 2019ء
**تازه ترين**اسلام آباد: ساهيوال سانحي تي عوام جو ڏک ۽ ڪاوڙ کي جائز آهي** ذميوارن کي مثالي سزا ڏني ويندي: وزير اعظم عمران خان** مان قوم کي يقين ڏياريان ٿو ته منهنجي قطر جي دوري تان واپسي تي نه رڳو واقعي جي ذميوارن کي واقعي جي سزا ڏني ويندي پر پنجاب پوليس جي سموري ڍانچي جو جائزو وٺڻ بعد سڌارن جو عمل شروع ڪنداسين: وزير اعظم عمران خان** لاهور: ساهيوال واقعي جي شروعات جاچ ۾ قتل جو ذميوار سي ٽي ڊي اهلڪارن کي قرار ڏنو ويو آهي** لاهور: ساهيوال واقعي جي جي آءِ ٽي رپورٽ سڀاڻي اچي ويندي ۽ ان تي ايڪشن کڻي ڏيکاريندس: وزير اعليٰ پنجاب** اسلام آباد: راؤ انوار کان وٺي ساهيوال سانحي تائين جعلي مقابلن جو خاتمو اسان جو فرض آهي: وفاقي وزير شيرين مزاري**اسلام آباد: العزيز ريفرنس: نواز جي اپيل ۽ سزا معطلي جي درخواست تي نيب کان جواب طلب**

ڊاڪٽر نبي بخش خان بلوچ جون علمي، ادبي، حوالي سان مثالي خدمتون آهن: ڊاڪٽر فتح محمد برفت

ڄامشورو (پ ر) سنڌ يونيورسٽيءَ جي پاڪستان اسٽڊي سينٽر طرفان ڊاڪٽر نبي بخش خان بلوچ جي اهم تحقيقي ڪتاب “سنڌ: اسٽڊيز هسٽاريڪل” جو ٽيون ايڊيشن شايع ڪيو ويو آهي. اها اشاعت شاگردن، اسڪالرن ۽ استادن جي گهرج کي سامهون رکندي عمل ۾ آندي ويئي آهي. ان سلسلي ۾ سينٽر جي ڊائريڪٽر پروفيسر ڊاڪٽر شجاع احمد مهيسر سنڌ يونيورسٽيءَ جي وائيس چانسلر پروفيسر ڊاڪٽر فتح محمد برفت سان سندس آفيس ۾ ملاقات ڪري کيس شايع ٿيل ڪتاب پيش ڪيو، جنهن تي وائيس چانسلر تمام گهڻي سرهائيءَ جو اظهار ڪندي ڊاڪٽر مهيسر جي ڪوششن کي ساراهيو ۽ چيو ته ڊاڪٽر نبي بخش خان بلوچ جون علمي، ادبي، تاريخي ۽ تحقيقي حوالي سان مثالي خدمتون آهن. هن پنهنجي پوري ڄمار علم ادب لاءِ وقف ڪري ڇڏي. وسيع مطالعي سان گڏ هن سنڌ جي جهر جهنگ ۾ وڃي مشاهدا پڻ ڪيا ۽ انهن مشاهدن کي پنهنجي تحقيق جو حصو بڻايو، اهو ئي سبب آهي جو سندس ڪاوشن ۾ انفراديت آهي. ڊاڪٽر برفت چيو ته ڊاڪٽر نبي بخش خان بلوچ جو ڪتاب “سنڌ: اسٽڊيز هسٽاريڪل” سنڌ جي تاريخ بابت اهم تحقيقي ڪتاب آهي، جنهن مان شاگردن، اسڪالرن سميت تاريخ ۽ تحقيق سان دلچسپي رکندڙ سڀني ماڻهن کي ڀرپور فائدو حاصل ڪرڻ گهرجي. هن ڪتاب جو ٽيون ايڊيشن شايع ٿيڻ مان ان جي اهميت ۽ گھرج جو اندازو لڳائي سگهجي ٿو. هن قسم جا اهم ڪتاب لائبررين جي زينت هوندا آهن، جيڪي تحقيق جا نوان پاسا نروار ڪري محققن لاءِ اڳتي وڌڻ ۾ مددگار بڻجندا آهن.