سومر 15 آڪٽومبرر 2018ع

انڊو نيشيا ۾ زلزلي ۽ سونامي تباهي مچائي ڇڏي، مارجي ويل جو انگ 800 کان وڌي ويو

ويب ڊيسڪ: جڪارتا: انڊونيشيا جي سامونڊي شهر پالو ۾ زلزلي ۽ سونامي جي نتيجي ۾ فوتين جو انگ 800 کان ٽپي ويو . پرڏيهي خابرو اداري موجب 28 سپٽمبر تي انڊونيشيا ۾ 7 ڏهائي 5 جي شدت سان آيل زلزلي سامونڊي شهر ۽ ان جي آس پاس وارن علائقن ۾ تباهي مچائي ڇڏي، جنهن جي نتيجي ۾ سوين ماڻهو فوت ۽ زخمي ٿي پيا ۽ ڪيترين ئي عمارتن کي به نقصان پهتو. هن وقت تائين ايندڙ تفصيلن موجب زلزلي سبب هن وقت تائين فوتين جو انگ 832 ٿي ويو آهي ۽ اڃان به ڪيئي ماڻهو گم آهن جنهن سبب جو انگ وڌڻ جو خدشو آهي. انڊونيشيئن انتظاميا موجب سموريون فوتگيون سامونڊي شهر پالو ۾ ٿيون جتي 7 ڏهائي 5 جي شدت سان آيل زلزلي بعد سامونڊي لهرون 10 فٽن تائين بلند ٿي سامونڊي علائقن ۾ داخل ٿيون. انتظاميا جو چوڻ آهي ته متاثر علائقن مان 17 هزار ماڻهن کي محفوظ هنڌن ڏانهن منتقل ڪيو ويو آهي، متاثر علائقن ۾ خوراڪ ۽ پاڻي جي کوٽ آهي جڏهن ته مقامي مارڪيٽن ۾ ڦرلٽ جي واقعن ۾ واڌ ٿي آهي. انڊونيشين صدر جوڪو ودودو اڄ متاثر علائقن جو دورو ڪندو، ان کان اڳ هن پنهنجي ٽوئيٽر پيغام ۾ قدرتي آفتن سان ٿيندڙ نقصان تي ڏک جو اظهار ڪندي انتظاميا کي متاثرن جي هر ممڪن امداد جي هدايت ڪئي هئي.