اربع 20 مارچ 2019ء

شهباز شريف خلاف آشيانه اقبال هائوسنگ ڪيس ۾ ضمني ريفرنس داخل

اسلام آباد: نيب آشيانا هائوسنگ اسڪينڊل ۾ شهباز شريف سوڌو تيرنهن جوابدارن خلاف ضمني ريفرنس داخل ڪري ڇڏيو. رپورٽن مطابق نيب آشيانا هائوسنگ اسڪينڊل ۾ احتساب عدالت ۾ ضمني ريفرنس داخل ڪيو آهي. ريفرنس ۾ موقف ڄاڻايو ويو آهي ته شهباز شريف آشيانا هائوسنگ اسڪينڊل ۾ قومي ناڻي کي ڪروڙين رپين جو نقصان پهچايو آهي. ريفرنس ۾ شهباز شريف سميت 13 جوابدارن کي نامزد ڪيو ويو آهي. ٻين جوابدارن ۾ بلال قدوائي، شاهد شفيق، منير ضياءَ، ڪامران ڪياني، احد چيما، چوڌري صادق ۽ شاهد محمود به شامل آهن.