اڱارو 22 جنوری 2019ء
**تازه ترين**اسلام آباد: ساهيوال سانحي تي عوام جو ڏک ۽ ڪاوڙ کي جائز آهي** ذميوارن کي مثالي سزا ڏني ويندي: وزير اعظم عمران خان** مان قوم کي يقين ڏياريان ٿو ته منهنجي قطر جي دوري تان واپسي تي نه رڳو واقعي جي ذميوارن کي واقعي جي سزا ڏني ويندي پر پنجاب پوليس جي سموري ڍانچي جو جائزو وٺڻ بعد سڌارن جو عمل شروع ڪنداسين: وزير اعظم عمران خان** لاهور: ساهيوال واقعي جي شروعات جاچ ۾ قتل جو ذميوار سي ٽي ڊي اهلڪارن کي قرار ڏنو ويو آهي** لاهور: ساهيوال واقعي جي جي آءِ ٽي رپورٽ سڀاڻي اچي ويندي ۽ ان تي ايڪشن کڻي ڏيکاريندس: وزير اعليٰ پنجاب** اسلام آباد: راؤ انوار کان وٺي ساهيوال سانحي تائين جعلي مقابلن جو خاتمو اسان جو فرض آهي: وفاقي وزير شيرين مزاري**اسلام آباد: العزيز ريفرنس: نواز جي اپيل ۽ سزا معطلي جي درخواست تي نيب کان جواب طلب**

اسيمبليءَ جي اها اوقات آهي جو وڏي چور کي پبلڪ اڪائونٽ ڪميٽيءَ جو چيئرمين بڻائي ڇڏيو: شيخ رشيد

پشاور: ريلوي واري وفاقي وزير شيخ رشيد چيو ته اسيمبليءَ جي اها اوقات آهي جو سڀ کان وڏي چور کي پبلڪ اڪائونٽ ڪميٽيءَ جو چيئرمين بڻائي ڇڏيو. پشاور ۾ صحافين سان ڳالهائيندي شيخ رشيد ٻڌايو ته پشاور کان ڪراچي تائين نئين ٽريڪ جو معاهدو مارچ کان اڳ ڪنداسين، ريلوي ٽريڪ جو ڍانچو تبديل ڪرڻ وڃي رهيا آهيون، اسان وٽ وسيلا ناهن، لٽيل ڦريل ناڻو مليو آهي ۽ هاڻي 30 ارب رپين جو خسارو آهي. هڪ سوال جي جواب ۾ شيخ رشيد چيو ته احتجاج جو رڳو ٽريلر هلندو، موسيقي به هوندي پر پڪو راڳ ڪنهن وٽ به ناهي، شهباز شريف دم ڪرڻ ۾ ڪامياب ٿي ويو پر نواز شريف لاءِ 24 تاريخ اهم آهي. هن چيو ته سزا رڳو غريب کي ملندي آهي، سياستدان ته اسپتال ويندا آهن، رمانڊ دوران پروڊڪشن آرڊر جو ڪو مثال نٿو ملي. شهباز شريف کي پبلڪ اڪائونٽس ڪميٽي جو چيئرمين بڻائڻ تي شيخ رشيد چيو ته عمران خان سادو سياستدان آهي، کير کي بچائڻ لاءِ ٻلي کي ويهاريو آهي، اسيمبلي جي اها اوقات آهي جو سڀ کان وڏي چور کي پي اي سي جو چيئرمين بڻائي ڇڏيو.