خميس 21 مارچ 2019ء

آرمي چيف جنرل قمر جاويد باجوا پاران مجاهد فورس سينٽر ڀمبر جو دورو

راولپنڊي: آرمي چيف جنرل قمر جاويد باجوا مجاهد فورس سينٽر ڀمبر جو دورو ڪيو ۽ فورس جي ڪنٽرول لائن تي خدمتن کي ساراهيو. پاڪ فوج جي عام لاڳاپن واري شعبي آءِ ايس پي آر طرفان جاري بيان موجب آرمي چيف جنرل قمر جاويد باجوا مجاهد فورس سينٽر ڀمبر جو دورو ڪيو. تقريب ۾ مجاهد فورس جي حاضر سروس ۽ رٽائرڊ ملازمن جو وڏو تعداد شريڪ ٿيو جتي آرمي چيف مجاهد فورس جي جوانن سان هٿ ملايو ۽ ڳالهه ٻولهه ڪئي. آرمي چيف مجاهد فورس جي ڪنٽرول لائن تي خدمتن کي ساراهيو ۽ ليفٽيننٽ جنرل بلال اڪبر کي ڪرنل ڪمانڊنٽ مجاهد فورس جو بيج لڳايو، آرمي چيف جنرل قمر جاويد باجوا شهيدن جي يادگار تي حاضري ڏني ۽ گل چاڙهيا.