خميس 21 مارچ 2019ء

سپريم ڪورٽ بحريا ٽائون سمورا اڪائونٽ بحال ڪرڻ جو حڪم ڏئي ڇڏيو

اسلام آباد: سپريم ڪورٽ مني لانڊرنگ ڪيس ۾ بحريا ٽائون جي گڏيل درخواست منظور ڪندي بحريا ٽائون ۽ ملير ڊولپمينٽ اٿارٽي جا اڪائونٽس بحال ڪرڻ جو حڪم ڏنو آهي. چيف جسٽس ثاقب نثار جي سربراهي ۾ 3 رڪني بئنچ بحريا ٽائون پاران داخل درخواست تي ٻڌڻي ڪئي، دليل ٻڌڻ کانپوءِ عدالت بحريا ٽائون جا منجمد ڪيل سمورا اڪائونٽ بحال ڪرڻ جو حڪم ڏنو. چيف جسٽس رمارڪس ڏنا ته هو چاهي ٿو ته بحريا ٽائون جو نالو تبديل ڪيو وڃي، بحريا جو نالو گهڻو استعمال ڪري ورتو. سپريم ڪورٽ ملير ڊولپمينٽ اٿارٽي جا اڪائونٽس به بحال ڪرڻ جو حڪم ڏنو. عدالت قرار ڏنو ته اڪائونٽس منجمد ڪرڻ جو حڪم رڳو مخصوص اڪائونٽس تائين هو ۽ اهو به رڳو اڪائونٽس جي نگراني جي حد تائين هو.