خميس 21 مارچ 2019ء

نواز شريف جي العزيزيه ريفرنس ۾ سزا معطلي جي درخواست اسلام آباد هاءِ ڪورٽ ۾ ٻڌڻي لاءِ مقرر

اسلام آباد: اڳوڻي وزيراعظم نواز شريف جي العزيزيه ريفرنس ۾ سزا خلاف درخواست ٻڌڻي لاءِ مقرر ڪئي وئي آهي. نواز شريف جي وڪيلن درخواست تي رجسٽرار آفيس جا اعتراض ختم ڪري العزيزيه ريفرنس ۾ سزا معطلي جي درخواست ٻيهر داخل ڪئي وئي آهي. درخواست نواز شريف جي وڪيل منور اقبال دگل طرفان داخل ڪئي وئي. ذريعن موجب درخواست سومر ڏهاڙي ٻڌڻي لاءِ مقرر ٿيڻ جو امڪان آهي. درخواست ۾ اپيل ڪئي وئي آهي ته اپيل تي فيصلي تائين احتساب عدالت طرفان ٻڌايل سزا معطل ڪئي وڃي ۽ نواز شريف جي ضمانت تي آزادي جا حڪم جاري ڪيا وڃن. اسلام آباد هاءِ ڪورٽ اڳوڻي وزيراعظم جي درخواست کي سومر ڏهاڙي 7 جنوري تي ٻڌڻي لاءِ مقرر ڪيو ويو آهي. چيف جسٽس اسلام آباد هاءِ ڪورٽ جسٽس اطهر من الله ۽ جسٽس عامر فاروق تي ٻڌل 2 رڪني ڊويزن بئنچ اڳوڻي وزيراعظم جي درخواست تي ٻڌڻي ڪندي.