خميس 21 مارچ 2019ء

وفاقي وزير شيخ رشيد ريلوي پوليس جون پگهارون پنجاب پوليس جي برابر ڪرڻ جو اعلان ڪري ڇڏيو

لاهور: ريلوي واري وزير شيخ رشيد ريلوي پوليس جي پگهار پنجاب پوليس برابر ڪرڻ جو اعلان ڪيو آهي. لاهور ۾ پريس ڪانفرنس ڪندي ريلوي واري وزير شيخ رشيد چيو ته ريلوي پوليس جي پگهار پنجاب پوليس برابر ڪرڻ جي سمري زباني طور منظور ڪئي آهي. هن چيو ته 6 مهينن اندر 2 وي آءِ پي ٽرينون هلايون وينديون، هلندڙ مهيني جڏهن وزيراعظم وٽ وقت هوندو ته ٽرينن کي ٽريڪٽر لڳائڻ جو افتتاح ڪيو ويندو جڏهن ته ريلوي جو ايف ايم ريڊيو به شروع ڪري رهيا آهيون. سندس چوڻ هو ته عدالت ريلوي جي زمين ليز تي ڏيڻ تان پابندي لڳائي ڇڏي آهي ۽ پنج سال لاءِ ليز ڏيڻ جي اجازت آهي. شيخ رشيد چيو ته رائل پام کان ريلوي جا 3 ارب رپيه حاصل ڪرڻ لاءِ عدالت سان رابطو ڪيو ويندو.