اربع 20 مارچ 2019ء

پشاور جي علائقي صدر ۾ ۾ ڌماڪو،ٻن عورتن سميت 6 ڄڻا زخمي

پشاور: صدر ۾ ڪالا باڙي ويجهو ڌماڪي جي نتيجي ۾ 2 عورتن سميت 6 ڄڻا زخمي ٿي پيا. رپورٽ موجب پشاور جي علائقي صدر ۾ ڪالا باڙي ويجهو ڌماڪي جي نتيجي ۾ 6 ڄڻا زخمي ٿي پيا. پوليس موجب ڌماڪي سبب ڪيترن ئي دڪانن کي نقصان پهتو جڏهن ته ڪيتريون ئي گاڏيون به تباهه ٿي ويون آهن. واقعي جو اطلاع ملندي ئي سيڪيورٽي فورسز علائقي کي گهيري ۾ آڻي ورتو اهي جڏهن ته پوليس، ريسڪيو اهلڪار ۽ بم ڊسپوزل اسڪواڊ واقعي واري جاءِ تي پهچي ويا. ڌماڪي جي نتيجي ۾ 6 ڄڻا زخمي ٿيا آهن جن ۾ ٻه عورتون به شامل آهن، ڌماڪي ۾ زخمي ٿيندڙن جي سڃاڻپ ابراهيم ولد بدي گل، محمد فاروق ولد دين محمد، رحمت گل ولد بادام، عمير ولد پرويز، مختيارا بي بي ولد جميل ۽ رابعا ولد فرانسس جي نالي سان ٿي آهي. ڌماڪي ۾ زخمي ٿيندڙن کي ايل آر ايڇ منتقل ڪيو يوو جڏهن ته ٽن کي ڪينٽ جنرل اسپتال ريفر ڪيو ويو آهي، سمورن زخمين جي حالت خطري کان ٻاهر آهي. شروعاتي اطلاعن موجب گاڏي ويجهو ڌماڪوي ٿيو آهي جڏهن ته ڌماڪي ۾ بارودي مواد استعمال ٿيو آهي. ايس پي ڪينٽ وسيم رياض موجب ڌماڪي جي نوعيت جي باري ۾ اڃان ڪجهه نه ٿو ٻڌائي سگهجي جڏهن ته بي ڊي يو ٽيم شاهديون گڏ ڪري رهي آهي.