اڱارو 22 جنوری 2019ء
**تازه ترين**اسلام آباد: ساهيوال سانحي تي عوام جو ڏک ۽ ڪاوڙ کي جائز آهي** ذميوارن کي مثالي سزا ڏني ويندي: وزير اعظم عمران خان** مان قوم کي يقين ڏياريان ٿو ته منهنجي قطر جي دوري تان واپسي تي نه رڳو واقعي جي ذميوارن کي واقعي جي سزا ڏني ويندي پر پنجاب پوليس جي سموري ڍانچي جو جائزو وٺڻ بعد سڌارن جو عمل شروع ڪنداسين: وزير اعظم عمران خان** لاهور: ساهيوال واقعي جي شروعات جاچ ۾ قتل جو ذميوار سي ٽي ڊي اهلڪارن کي قرار ڏنو ويو آهي** لاهور: ساهيوال واقعي جي جي آءِ ٽي رپورٽ سڀاڻي اچي ويندي ۽ ان تي ايڪشن کڻي ڏيکاريندس: وزير اعليٰ پنجاب** اسلام آباد: راؤ انوار کان وٺي ساهيوال سانحي تائين جعلي مقابلن جو خاتمو اسان جو فرض آهي: وفاقي وزير شيرين مزاري**اسلام آباد: العزيز ريفرنس: نواز جي اپيل ۽ سزا معطلي جي درخواست تي نيب کان جواب طلب**

رڳو آءِ ايم ايف تي نٿا ڀاڙيون، متبادل انتظام ڪري ڇڏيو آهي: وفاقي وزير اسد عمر

اسلام آباد: ناڻي واري وفاقي وزير اسد عمر چيو آهي ته رڳو آءِ ايم ايف تي نٿا ڀاڙيون، جيڪڏهن پيڪيج نه مليو ته متبادل انتظام ڪري ڇڏيو آهي. اسلام آباد ۾ سينيئر صحافين سان غير رستي گفتگو ڪندي اسد عمر چيو ته معاشي ترقي لاءِ هم فيصلا ڪري رهيا آهيون، ادائيگين ۽ ناڻي جي مٽاسٽا وارن ذخيرن ۾ گيپ پورو ڪري ورتو آهي، اسان جو سڄو دارومدار آءِ ايم ايف تي ناهي، آءِ ايم ايف معيشت ۾ بهتري لاءِ رڳو هڪ آپشن آهي، آءِ ايم ايف ڪو غير معاشي شرط ناهي رکيو، انهن سان ڳالهيون اڃا هلندڙ آهن. هن چيو ته آءِ ايم ايف سان جيئن ئي سٺو پروگرام فائنل ٿيو ته معاهدو ڪري ڇڏينداسين پر متبادل ذريعن سان به فنڊ حاصل ڪرڻ لاءِ قدم کڻي رهيا آهيون، سعودي عرب ۽ ايو اي اي جي قرض تي ڪو شرط ناهي، ٻنهي ملڪن جي قرض سان ملندڙ قرض تي سود ادا ٿيندو. سندس چوڻ هو ته بجلي ۽ گئس جو اگهه رڳو اميرن لاءِ وڌايو آهي، جولاءِ کان ڊسمبر 2018 تائين نجي شعبي کي قرضن جي فراهمي ۾ 65 سيڪڙو رڪارڊ اضافو ٿيو، جڏهن ته گذريل سال مجموعي طور نجي شعبي کي قرضن جي فراهمي 21 سيڪڙو وڌي. اسد عمر چيو ته ضمني فنانس بل ۾ سيڙپڪاري، ڪاروبار ۾ سولائي لاءِ قدم تجويز ڪيا ويندا.