خميس 21 مارچ 2019ء

اصغر خان ڪيس بند نه ٿيڻ گهرجي، وارثن سپريم ڪورٽ ۾ جواب داخل ڪرائي ڇڏيو

اسلام آباد: مرحوم اصغر خان جي وارثن سپريم ڪورٽ ۾ جواب جمع ڪرائيندي درخواست ڪئي آهي ته اصغر خان ڪيس بند ٿيڻ نه گهرجي. اصغر خان جي وارثن پاران ان جي وڪيل سلمان اڪرم راجا سپريم ڪورٽ ۾ جواب جمع ڪرايو. اصغر خان جي گهر واري، پٽ علي اصغر، نسرين خٽڪ ۽ شيرين اعواڻ گڏيل جواب ۾ چيو آهي ته ايف آءِ اي پاران اصغر خان ڪيس جي جاچ ختم ڪرڻ جي سفارش کي رد ڪريون ٿا. اصغر خان جي وارثن چيو ته اصغر خان ڪيس ۾ ايف آءِ اي جي جاچ ختم ٿيڻ نه گهرجي، اصغر خان جو ڪٽنب ڪيس جو آخري انجام چاهي ٿو. وارثن پنهنجي جواب ۾ اپيل ڪئي ته ڪيس جي ٽرائل کانپوءِ ايندڙ نتيجو پاڪستان جي عوام آڏو رکيو وڃي.