سومر 22 آڪٽومبرر 2018ع

نيوزي لينڊ جو دورو ٽيم لاءِ امتحان هوندو، جتي ڀرپور تياري سان وينداسين: سرفراز احمد

ويب ڊيسڪ: ڪراچي: قومي ڪرڪيٽ ٽيم جي ڪپتان سرفراز احمد چيو آهي ته نيوزي لينڊ ۾ مختلف ڪنڊينشنز هوندي، اميد آهي ته ٽيم ڪاميابين جو سلسلو برقرار رکندي، جلد ئي ٽيسٽ ٽيم به ڪاميابين جي ٽريڪ تي اچي ويندي.ڪراچي ۾ ميڊيا سان ڳالهائيندي قومي ڪرڪيٽ ٽيم جي ڪپتان چيو ته نيوزي لينڊ جو دورو ٽيم لاءِ امتحان هوندو، جتي ڀرپور تياري سان وينداسين ۽ سٺي ڪارڪردگي ڏيکارڻ جي ڪوشش ڪنداسين. قومي ڪپتان جو چوڻ هو ته نيوزي لينڊ روانگي کان اڳ پاڪستان ۾ به ڪيمپ لڳندو ۽ ٽيم اٺ يا ڏهه ڏينهن اڳ ۾ نيوزي لينڊ پهچندي ته جئين رانديگرن کي ڪنڊيشنيز جي حساب سان تياري ۾ مدد ملي سگهي. فواد عالم جي ٽيم شموليت جي حوالي سان پڇيل سوال جي جواب ۾ سرفراز احمد چيو ته” الله جي گهر ۾ دير انڌير ناهي“ سليڪٽر فواد عالم جي ڪارڪردگي ڏسي رهيا آهن اميد آهي ته فواد عالم جلد ٽيم ۾ واپسي ڪندو.ڪامران اڪمل جي ڪارڪردگي بابت پڇيل سوال جي جواب ۾ سرفراز احمد چيو ته ڪامران اڪمل جي ڪارڪردگي سندس لاءِ خطرو ناهي جيڪڏهن ڪامران اڪمل کان خطرو محسوس ڪيان ها ته اڳ ۾ به ڪامران اڪمل ٽيم ۾ نه کڻو ها هي پاڪستان جي ٽيم آهي جيڪو سٺي ڪارڪردگي ڏيکاريندو ٽيم کيڏندو سرفراز احمد وڌيڪ چيو ته يونس خان ۽ مصباح الحق کانسواءِ ٽيسٽ ٽيم کي سيٽ ٿيڻ ۾ وقت لڳندو پر ٽيسٽ به وننگ ٽريڪ تي اچي ويندي.