81

بابر اعظم تاريخي رڪارڊ کان رڳو هڪ وک پوئتي

بابر اعظم تاريخي رڪارڊ کان رڳو هڪ وک پوئتي

پاڪستان ۽ نيڌرلينڊ وچ ۾ ون ڊي سيريز جي شروعات سڀاڻي کان ٿي رهي آهي.پاڪستان نيڌرلينڊ وچ ۾ پهرين ٻه طرفي سيريز سڀاڻي ( اڱاري ) کان روٽرڊيم ۾ شروع ٿيندي.پاڪستاني ڪپتان بابر اعظم جيڪڏهن هن سيريز ۾ هڪ به سينچري اسڪور ڪرڻ ۾ ڪاميابي ماڻي وٺي ٿو ته هو عالمي ڪرڪيٽ ۾ ڏهه سينچريون اسڪور ڪندڙ پهريون پاڪستاني ڪپتان بڻجي ويندو.اهڙي طرح وڪيٽ ڪيپر بيٽر محمد رضوان کي ون ڊي انٽرنيشنل ۾ هڪ هزار رنسون مڪمل ڪرڻ لاءِ وڌيڪ18 رنسون گهربل آهن.روٽرڊيم ۾ موجود قومي اسڪواڊ گذريل ڏينهن شيڊيم ڪرڪيٽ گرائونڊ ۾ پريڪٽس سيشن ۾ حصو ورتو، جڏهن ته سومر ڏينهن تيز برسات سبب رڳو پاڪستاني بيٽرن انڊور پريڪٽس ڪئي.واضح رهي ته ٻنهي ٽيمن وچ ۾ پهرين ون ڊي ميچ سڀاڻي پاڪستاني وقت موجب منجهند ٻئين وڳي شروع ٿيندي.

هن خبر تي پنهنجي راءِ جو اظهار ڪريو.

پنهنجي راءِ ڏيو