432

جڏهن ڳالهين جي ڪوشش ڪندو آهيان ته سختي وڌي ويندي آهي: عمران خان

جڏهن ڳالهين جي ڪوشش ڪندو آهيان ته سختي وڌي ويندي آهي: عمران خان

لاهور (ويب ڊيسڪ) تحريڪ انصاف چيئرمين عمران خان چيو آهي ته مان جڏهن به ڊائلاگ جي ڪوشش ڪندو آهيان ته ايندڙ ڏينهن وڌيڪ سختي ٿي ويندي آهي، چاهيندو آهيان ڳالهين سان مسئلا حل ٿين ته ايندڙ ڏينهن وڌيڪ ڪيس داخل ٿي ويندا آهن.
سوشل ميڊيا تي خطاب ڪندي عمران خان چيو ڪير چاهيندو ته پنهنجي ملڪ جي فوج ڪمزور ٿئي، فوج ڪمزور ٿيڻ جو مطلب ملڪ ڪمزور ٿيڻ آهي، ملڪ تباهي ڏانهن وڃي رهيو آهي، انهن وٽ ڪو روڊ ميپ ناهي.
هن چيو ته ڪير آ جيڪو 9 مئي واقعن جي مذمت نٿو ڪري، مون کي واقعن جي عدالت ۾ خبر پئي ته چيف جسٽس سامهون مذمت ڪئي، ڇا اسان ڪڏهن چيو ته 9 مئي واقعن جي مذمت نٿا ڪيون؟
سندس چوڻ هو ته جاچ بنا پي ٽي آءِ خلاف ڪريڪ ڊائون شروع ڪيو ويو، جبري طلاقون پيون ٿين، زبردستي پارٽي ڇڏرائي پئي وڃي، اهي چاهين ٿا ته پي ٽي آءِ کي ختم ڪري پوءِ چونڊون ڪرايون.

هن خبر تي پنهنجي راءِ جو اظهار ڪريو.

پنهنجي راءِ ڏيو