لکي غلام شاهه لڳ 16 موري وٽان نيڪال بند ٿيڻ سبب سوين ايڪڙ فصل پاڻي هيٺ

لکي غلام شاهه لڳ 16 موري وٽان نيڪال بند ٿيڻ سبب سوين ايڪڙ فصل پاڻي هيٺ

لکي غلام شاهه (ن سوڀ) لکي غلام شاهه لڳ 16 موري وٽان نيڪال بند ٿيڻ سبب سوين ايڪڙ فصل پاڻي هيٺ، ان سلسلي ۾ بااثرن انگريز دور کان 16 موريءَ وٽان هلندڙ برساتي پاڻيجو لنگهه ۽ نيڪال جون موريون ڪرين مشين ذريعي بند ڪرائي ڇڏيون آهن، نيڪال بند ٿيڻ سبب ڳوٺاڻن جون سوين ايڪڙ زمينون ۽ فصل ٻڏي ويا آهن، هوڏانهن متاثر ڳوٺاڻن محمد نواز بروهي، سائينداد جعفري، منير ڪيهر، نظير جعفري، امان الله، عبدالرزاق ڪيهر ۽ ٻين جي اڳواڻي ۾ احتجاجي مظاهرو ڪري نعريبازي ڪئي، ڄاڻايل ڳوٺاڻن دانهيندي چيو ته 16 موري کان پاڻي جو نيڪال انگريز دور کان هو، ڪجهه سال اڳ بااثرن ڪرين مشين گهرائي پاڻي نيڪال بند ڪيو، هنن چيو ته اسان ڪافي ڀيرا دانهيو آهي، پر انتظاميا خاموش آهي، هاڻ اسان جا فصل پاڻي هيٺ اچي ويا آهن، هنن مطالبو ڪيو ته ڊي سي نوٽيس وٺي غيرقانوني بند ڪرايل موريون کولرائي ٻڏل فصل ۽ گهر بچائي، ٻي صورت ۾ سخت احتجاج ڪيو ويندو.