ٽوڪيو(ويب ڊيسڪ) جاپان جي صحت واري وزير اهڙن روبوٽس جي پهرين نمونن جو معائنو ڪيو جيڪي هڪ مصنوعي ٻانهن ذريعي مريض جي نڪ اندران ڪورونا ٽيسٽ جا نمونا حاصل ڪندا ۽ 80 منٽن اندر نتيجو پڻ ٻڌائيندا. اهو روبوٽ ڪاواساڪي هيوي انڊسٽريز بڻايو آهي ۽ جاپان هلندڙ سال اولمپڪس کان پهرين ڪورونا وبا ڪنٽرول ڪرڻ لاءِ ٻين قدمن کان علاوه ڪورونا ٽيسٽن ۾ تيزي آڻڻ چاهي ٿو. جاپان جي صحت واري وزير صحافين سان ڳالهائيندي چيو ته اسان کي سڄي دنيا ۾ رد عمل ڏسڻ گهرجي، ٽيسٽن جي تعداد م اضافو ڪرڻ جي ضرورت آهي. اهڙا روبوٽ طبي عملي جي ٻين معاملن ۽ ٽيسٽن جي معيار کي بهتر بڻائڻ ۾ ڪم ايندا.
160
