27

جهانگير ترين سان ذاتي جهيڙو نه آهي، ڪوبه قانون ۽ آئين کان مٿانهون نه آهي : وفاقي حڪومت

اسلام آباد / راولپنڊي (ويب ڊيسڪ) وفاقي حڪومت چيو آهي ته جهانگير ترين سان ذاتي جهيڙو نه آهي، ڪوبه قانون ۽ آئين کان مٿانهون نه آهي، ڪير غلط فهمي ۾ نه رهي. ڪجهه اسيمبلي ميمبرن جون همدرديون جهانگير ترين سان هونديون پر سندن پهرين همدردي عمران خان ۽ پارٽي نظريي سان گڏ آهي. ان سلسلي ۾ وزيراعظم عمران خان چيو آهي ته جڏهن تحريڪ لبيڪ پاڪستان رياستي رٽ کي چئلنج ڪيو ته ان جي خلاف دهشتگردي جي خاتمي واري قانون هيٺ ڪارروائي ڪئي وئي. سوشل ميڊيا تي جاري ڪيل پنهنجي بيان ۾ وزيراعظم عمران خان چيو ته پاڪستان ۽ سڄي دنيا ۾ رهندڙن جي لاءِ هڪ ڳالهه چٽي ٿو  ڪريان ته جڏهن تحريڪ لبيڪ تشدد جو رستو ورتو ماڻهن ۽ سيڪيورٽي فورسز تي حملو ڪيو ته ان جي خلاف ڪارروائي ڪئي وئي. عمران خان کي چيو هو ته جڏهن تحريڪ لبيڪ رياست جي رٽ کي چيلنج ڪيو ته ان جي خلاف دهشتگردي جي خاتمي واري قانون تحت ڪارروائي ڪئي. ڪوبه قانون ۽ آئين کان مٿانهون نه آهي. وزيراعطم پنهنجي ٽويٽ ۾ وڌيڪ لکيو ته سڄي دنيا ۾ رهندڙ انتهاپسند جيڪي اسلام فوبيا ۽ چڙ ڏياريندڙ بيانن جي ذريعي 1.3 ارب  مسلمانن کي تڪليف پهچائڻ جو سبب ٿيندا آهن انهن جي لاءِ منهنجو پيغام آهي ته اسان مسلمان پنهنجي پياري نبي حضرت محمد مصطفيٰ صه سان سڀني کان وڌيڪ محبت ۽ ان جي عزت ڪندا آهيون ۽ اهو اسان جي دلين ۾ رهندو آهي. اسان  اهڙي قسم جي توهين برداشت نٿا ڪري سگهون. هن چيو ته  اولهه جي ملڪن ۾ رهندڙ انتهاپسند سياستدان اظهار جي آزادي واري راءِ جي آڙ ۾ مسلمانن جي خلاف نفرت پکيڙڻ ۾ اخلاقي طور تي ايتري قدر ڪري چڪا آهن جو هو 1.3 ارب مسلمانن کان ان جي دل آزاري تي معافي به نٿا گهرن. اسان  اهڙن انتهاپسندن کان معافي جو مطالبو ڪريون ٿا. عمران خان چيو ته آئون اولهه وارن ملڪن جي حڪومتن کان به مطالبو ڪريان ٿو ته جيئن هولوڪاسٽ خلاف ڳالهائڻ تي قانوني پابنديون لڳايون ويون آهن تيئن ئي   پيغمبر اسلام صلي الله عليهه وسلم جي توهين ڪندڙ مسلمانن جي خلاف نفرت پکيڙيندڙن لاءِ به سزائون مقرر ڪيو وڃن.  هوڏانهن سائنس اينڊ ٽيڪنالاجي واري وفاقي وزير شبلي فراز  چيو آهي ته تحريڪ انصاف جي ڪجهه اسيمبلي ميمبرن جون همدرديون جهانگير ترين سان هونديون پر انهن ميمبرن جي پهرين همدردي عمران خان ۽ پارٽي نظريي سان گڏ آهي، هي جيڪي به ڪوششون ڪري رهيا آهن ته ڪو معاملو ٺهي وٺي پر ان بابت جيڪو ڪجهه به ٿيندو سو  جيڪو قانون موجب  ۽ سڀني جي سامهون ئي ٿيندو. هي ڪا ذاتي دشمني ته نه آهي، اسان هڪ مقصد کڻي هلون پيا. ٻي پاسي جي ايڇ ڪيو راولپنڊي جي دوري دوران صحافين سان ڳالهائيندي اطلاعات واري وفاقي وزير فواد چوڌري چيو ته حڪومت جو ان سان ذاتي جهيڙو نه آهي ۽ نه هن کي حڪومت سان مسئلو آهي،  پي ٽي آءِ ۾ جهانگير ترين جو معاملو پهريون معاملو نه آهي،  پي ٽي آءِ ۾ سڀ کان اڳ بابر اعواڻ تي الزام لڳو، جنهن تي هن استعفا ڏني ۽ ضمانت وٺي واپس آيو، جڏهن ته عليم خان به ايئن ڪيو، هاڻ جهانگير ترين جو معاملو عدالت ۾ آهي،  اميد آهي ته جهانگير ترين پنهنجو ڪيس عدالت ۾ وڙهندو. هن چيو ته تحريڪ لبيڪ تي پابندي حڪومت جو فيصلو آهي. پاڪستان جي رياست ڪمزور نه آهي. رياست جي رٽ کي چئلنج نٿو ڪري سگهجي. هاڻ تحريڪ لبيڪ ختم ٿي وئي آهي. ڪنهن ٻاهرين طاقت يا ملڪ جي چوڻ تي نه پر سڄي ملڪ ۾ فساد ۽ فتني جي ڪري پاڪستان حڪومت پاڻ ٽي ايل پي تي پابندي لڳائڻ جو فيصلو ڪيو، هن چيو ته احتجاج ۽ روڊ بلاڪ تي سمورن صوبن جهڙي طرح گڏجي وقت سر ڪارروائي ڪئي اها ساراهه جوڳي آهي. هن چيو ته پاڪستان دنيا جو پنجون وڏو ملڪ، ائٽمي طاقت ۽ سڀ کان وڏي فوج وارو ملڪ آهي ڪير غلط فهمي ۾ نه رهي پاڪستان کي ڪا به طاقت ڪمزور نه ٿي ڪري سگهي.

هن خبر تي پنهنجي راءِ جو اظهار ڪريو.

جهانگير ترين سان ذاتي جهيڙو نه آهي، ڪوبه قانون ۽ آئين کان مٿانهون نه آهي : وفاقي حڪومت” ایک تبصرہ

پنهنجي راءِ ڏيو