دادو (ويب ڊيسڪ)پاڪستان تحريڪ انصاف پاران سيف الله ابڙو کي 35 ڪروڙن ۾ سينيٽ ٽڪيٽ ڏيڻ جو انڪشاف ٿيو آهي. پي ٽي آءِ اڳواڻ لياقت جتوئي جو چوڻ آهي ته سيف الله ابڙو کي 35 ڪروڙ رپين ۾ سينيٽ چونڊن لاءِ ٽڪيٽ ڏني وئي، پي ٽي آءِ پاران ٽڪيٽون ورهائڻ لاءِ پارلياماني بورڊ نه جوڙيو ويو، گورنر هائوس ۾ سياسي ڊرائنگ روم سجائي ٽڪيٽن تي سودا ڪيا ويا، رڳو من پسند ماڻهن کي ٽڪيٽون ڏنيون ويون. هن چيو ته سيف الله ابڙو 6 مهينا اڳ پي ٽي آءِ ۾ شامل ٿيو هو، کيس ڪهڙي بنياد تي سينيٽ چونڊ لاءِ ٽڪيٽ ڏني وئي؟ هن چيو ته حليم عادل شيخ هوا ۾ اڏامي رهيو آهي، مراد علي شاهه مٿس حملو ڪرائي نٿو سگهي، پيپلز پارٽي سان سياسي اختلاف آهن پر ڪڏهن به ڪنهن تي ذاتي تنقيد ناهي ڪئي.
254
