55

لاهور هاءِ ڪورٽ حمزه شهباز جي ضمانت منظور ڪرڻ وارو لکت ۾ فيصلو جاري ڪري ڇڏيو

لاهور(ويب ڊيسڪ) لاهور هاءِ ڪورٽ حمزه شهباز جي ضمانت منظور ڪرڻ جي فيصلي ۾ قرار ڏنو ته ٽرائل مڪمل هئڻ ۾ غير معمولي وقت لڳڻ جي نُڪتي کي نظرانداز نٿو ڪري سگهجي ۽ ملزم کي بنا سبب جي جيل ۾ نٿو رکي سگهجي. جسٽس سرفراز ڊوگر جي سربراهيءَ ۾ 2 رڪني بينچ حمزه شهباز جي ضمانت منظور ڪرڻ بابت لکت وارو فيصلو جاري ڪيو. بينچ باور ڪرايو ته ملزم کي استغاثه جي رحم ۽ ڪرم تي نٿو ڇڏي سگهجي. احتساب عدالت جي ڪارروائي ظاهر ڪري ٿي ته ملزم عدالت ۾ باقاعدگي سان پيش ٿيندو رهيو آهي جيڪڏهن وڪيل پيش نه ٿا ٿين ته ان ۾ هن جو قصوروار ملزم کي نٿو قرار ڏئي سگهجي. لاهور هاءِ ڪورٽ جي فيصلي ۾ قرار ڏنو آهي ته ريفرنس ۾ حمزه شهباز مرڪزي ملزم ناهي، مرڪزي ملزم شهباز شريف آهي جيڪو خود سلاخن پٺيان آهي، فيصلي ۾ چيو ويو ته حمزه شهباز کي جيل ۾ رکڻ لاءِ ڪوبه غير معمولي جواز ناهي، عدالت ان نُڪتي تي قائل آهي ته هن جي ضمانت منظور ڪئي وڃي. لاهور هاءِ ڪورٽ هڪ هڪ ڪروڙ رپين جي 2 مچلڪن عيوض حمزه شهباز کي آزاد ڪرڻ جو حڪم ڏنو آهي. لکت واري فيصلي کانپوءِ روبڪار جاري ٿيڻ تي حمزه شهباز جيل مان آزاد ٿي ويندو.

هن خبر تي پنهنجي راءِ جو اظهار ڪريو.

پنهنجي راءِ ڏيو