16

لاڙڪاڻي ۾ 32 هين شهيد ذوالفقار علي ڀٽو ڪرڪيٽ ٽورنامينٽ، مختلف ٽيمن وچ ۾ مقابلا

لاڙڪاڻو(بيورو رپورٽ) شاهه لطيف ڪرڪيٽ ڪلب لاڙڪاڻو جي ميزباني هيٺ شهيد ذوالفقار علي ڀٽو جي ياد ۾ 32 هين شهيد ذوالفقار علي ڀٽو ڪرڪيٽ ٽورنامينٽ جي ٽئين ڏينهن شهر جي پي سي بي گرائونڊ تي پهرين مئچ مرحوم محمد خان ڪرڪيٽ ڪلب لاڙڪاڻو ۽ ينگ اسٽار بليو لاڙڪاڻو جي ٽيمن وچ ۾ کيڏي وئي، جنهن ۾ مرحوم خان محمد ڪلب جي ٽيم ٽاس کٽي پهريان بئٽنگ ڪندي مقرر 15 اوورن ۾ 9 وڪيٽن جي نقصان تي 119 رنسون ٺاهيون، جنهن ۾ عبدالڪريم 26 ۽ علي حيدر 24 رنسون ٺاهي نمايان رهيا. جڏهن ته ينگ اسٽار جي بالرن قاسم 3 وڪيٽون ورتيون. جواب ۾ ينگ اسٽار بليو ڪرڪيٽ ڪلب جي ٽيم بئٽنگ ڪندي 14 اوورن ۾ 3 رانديگرن جي آئوٽ ٿيڻ 120 رنسون ٺاهي پنهنجي مخالف ٽيم کي 7 وڪيٽن تان شڪست ڏئي ڪاميابي ماڻي. جنهن ۾ بليو ڪرڪيٽ ڪلب جي بئٽسمين افضل 50 رنسون ٺاهيون نمايان رهيو جنهن کي مين آف دي مئچ جو ايوارڊ پڻ ڏنو ويو. ٻي مئچ شهيد سهيل ڪرڪيٽ ڪلب قمبر ۽ ايگل اسٽار ڪرڪيٽ ڪلب وارهه جي وچ ۾ کيڏي وئي جنهن ۾ ٽاس کٽي وارهه جي ٽيم پهريان بئٽنگ ڪندي 20 اوورن ۾ 6 وڪيٽن جي نقصان تي 167 رنسون ٺاهيون جنهن ۾ خليل بروهي 62 رنسون ٺاهي نمايان رهيو. جڏهن ته قمبر جي ٽيم طرفان راحيل 3 وڪيٽون ورتيون. جواب ۾ شهيد سهيل ڪرڪيٽ ڪلب جي ٽيم بئٽنگ ڪندي 19 هين اوور ۾ 7 وڪيٽن جي نقصان تي 168 رنسون ٺاهيون اهڙي ريت قمبر جي ٽيم وارهه جي ٽيم کي 7 وڪيٽن تان شڪست ڏئي ڪاميابي ماڻي. مئچ ۾ فاتح ٽيم جي بئٽسمين جي ايم بروهي کي 40 رنسون ٺاهڻ عيوض مين آف دي مئچ جو ايوارڊ ڏنو ويو.

هن خبر تي پنهنجي راءِ جو اظهار ڪريو.

پنهنجي راءِ ڏيو