سپريم ڪورٽ اڳوڻي آمر پرويز مشرف جي موت واري سزا برقرار رکڻ جو فيصلو ٻڌائي ڇڏيو، سپريم ڪورٽ محفوظ ڪيل فيصلو ٻڌائيندي خصوصي عدالت پاران ٻڌايل موت واري سزا کي درست قرار ڏنو
چيف جسٽس قاضي فائز عيسيٰ رمارڪس ۾ چيو ته پرويز مشرف جي وارثن جي غير موجودگي ۾ هنن جي وڪيل کي نه ٿا ٻڌي سگهون
وڪيل سلمان صفدر چيو ته مشرف جا وارث ملڪ ۾ موجود نه آهن، ايمرجنسي لڳائڻ واري فيصلي ۾ پرويز مشرف اڪيلو ملوث نه هو
جسٽس اطهر من الله چيو ته مشرف سان گڏ ايمرجنسي لڳائڻ ۾ ملوث سمورن ماڻهن خلاف عدالتن جا دروازا کليل آهن
وڪيل سلمان صفدر چيو ته مشرف جي ايمرجنسي لڳائڻ واري عمل ۾ ان وقت جو وزيراعظم، پارليامينٽ ۽ جج به ملوث هئا، پرويز مشرف کي ٻڌڻ کانسواءِ خصوصي عدالت سزا ٻڌائي
