خيرپور ۽ ڀرپاسي وارن علائقن ۾ گيسٽرو ۾ مبتلا 22 کان وڌيڪ ٻارڙن کي اسپتال داخل ڪيو ويو آهي
گيسٽرو سبب اسپتالن ۾ داخل ڪيل ٻارڙن ۾ ايان علي، راج اوڏ، آمنا، سومر، سويرا، ڪومل، بختاور ۽ ٻيا شامل آهن
مريضن جي وارثن جو چوڻ هو ته گيسٽرو جي مرض سبب وڏي تعداد ۾ مريض اسپتالن ۾ داخل ٿيڻ سبب اسپتالن ۾ بسترن جي کوٽ ٿي وئي آهي
سٽي اسپتال خيرپور ۾ هڪ بيڊ تي ٻن کان ٽي ٻارڙا داخل ڪيا ويا آهن
مريضن جي وارثن جو وڌيڪ چوڻ هو ته اسپتال ۾ صفائي سٿرائي ناهي، کين سرڪاري دوائون به نه ملي رهيون آهن. هنن اعليٰ اختيارين کان مطالبو ڪندي چيو ته نوٽيس وٺي کين علاج جون سهولتون فراهم ڪيون وڃن
