نوابشاھ : شروع ڪيل پيپلز بس سروس ۾ صحت واري وزير ڊاڪٽر عذرا فضل پيچوهو شهر جو سفر ڪيو
صحت واري صوبائي وزير ڊاڪٽر عذرا فضل پيچوهو جو چوڻ هو ته تمام جلد عام ماڻھن جي سفري سهولتن لاءِ بس جو سفر عام ڪيو ويندو.
هن چيو ته في الحال سنڌ حڪومت پاران 6 بسون ڏنيون ويون آهن ٻئي مرحلي ۾ وڌيڪ بسون ڏنيون وينديون، جڏهن ته سموري سنڌ ۾ پڻ پيپلز بس شروع ڪئي ويندي.
ان موقعي تي ايم پي اي جاويد اقبال آرائين، پيپلزپارٽي سٽي صدر خان بھادر ڀٽي، ضلعي صدر علي اڪبر جمالي، زرداري ھائوس جو ترجمان سالم خان زرداري ۽ پيپلزپارٽي ورڪرن سميت سياسي سماجي شخصيتن ۽ صحافين پڻ پيپلز بس سروس ۾ شھر جو سفر ڪيو.
