ڪاغذن موجب وفاقي ڪابينا گهريلو واهپيدارن لاءِ بجلي جي في يونٽ بنيادي ٽيرف 48 رپيا 84 پئسا مقرر ڪري ڇڏي آهي، في يونٽ بنيادي ٽيرف ۾ 3 رپيا 95 پئسن مان 7 رپيا 12 پئسا واڌ منظور ڪيو ويو آهي.
ٻڌايو ويو آهي ته نان پروٽيڪٽيڊ گهريلو واهپيدارن لاءِ هڪ سو يونٽ استعمال تي ٽيرف 7.11 رپيا واڌ سان 23.59 رپيا جڏهن ته 101 کان 200 يونٽ جي استعمال تي في يونٽ 7.12 رپيا واڌ سان 30.07 رپيا ٿي ويو.
201 کان 300 يونٽ تائين بجلي ٽيرف 7.12 رپيا واڌ سان 34.26 رپيا ۽ 301 کان 400 يونٽ تي ٽيرف 7.02 رپيا واڌ سان في يونٽ ٽيرف 39.15 رپيا مقرر ڪيو ويو آهي.
401 کان 500 يونٽ 6.12 رپين جي واڌ سان 41.36 رپيا في يونٽ، 501 کان 600 يونٽ استعمال تي ٽيرف 6.12 رپيا واڌ سان 42.78 رپيا جڏهن ته 601 کان 700 يونٽ تي بجلي ٽيرف 6.12 رپيا واڌ تي 43.92 رپيا في يونٽ ۽ 700 يونٽ کان وڌيڪ جو ٽيرف 6.12 رپين جي واڌ تي 48.84 ٿي ويندو.
ڪاغذن ۾ چيو ويو آهي ته مهيني جي 50 يونٽ تائين لائيف لائين واهپيدارن لاءِ في يونٽ 3.95، 51 کان 100 يونٽ تائين لائف لائين واهپيدارن لاءِ في يونٽ 7.74 رپيا برقرار رکڻ جي تجويز آهي. 1 کان 100 يونٽ تائين پروٽيڪٽڊ واهپيدارن جو ٽيرف 3.95 رپين جي واڌ سان 11.69 رپيا في يونٽ مقرر جي تجويز آهي، جڏهن ته 101 کان 200 يونٽ استعمال تي پروٽيڪٽڊ واهپيدارن جو ٽيرف 4.10 رپيا واڌ سان 14.16 رپيا في يونٽ هوندو
