موسميات کاتي سنڌ ۾ اڄ رات کان چوماسي جي برساتن جو امڪان ظاهر ڪري ڇڏيو آهي

موسميات کاتي موجب، سنڌ جي مختلف حصن ۾ اڄ موسم گرم ۽ گهميل رهندي، جڏهن ته اڄ کان سنڌ جي سامونڊي پٽي وارن علائقن ۾ ڪٿي ڪٿي بوندا باندي جو امڪان آهي

موسميات کاتي جو چوڻ آهي ته اڄ رات کان سنڌ ۾ چوماسي جون هوائون داخل ٿيڻ جو امڪان آهي جنهن سبب 7 کان 8 جولاءِ دوران ٿرپارڪر، عمر ڪوٽ ۽ ميرپور خاص ۾ گجگوڙ ۽ کنوڻ سان برسات ٿي سگهي ٿي

موسميات کاتي موجب، ڪراچي ۽ سجاول ۾ 8 ۽ 9 جولاءِ تي گجگوڙ ۽ کنوڻ سان برسات جو امڪان آهي