سپريم ڪورٽ ۾ ڪنهن سياسي جماعت کان چونڊ نشان نه وٺڻ تي پارليامينٽ کي قانونسازي ڪرڻ بابت درخواست داخل ڪئي وئي آهي
سپريم ڪورٽ ۾ شهري قاضي محمد سليم پاران درخواست داخل ڪئي وئي، جنهن ۾ چيو ويو ته مخصوص سيٽن بابت ڪيس ۾ به اليڪشن ڪميشن معاملي تي مونجهاري جو شڪار رهيو
درخواستگذار چيو ته پي ٽي آءِ کي بيٽ جو نشان نه ملڻ کانپوءِ ڏکيائيون گهٽ ڪرڻ لاءِ سپريم ڪورٽ ڪوششون ڪيون، اهڙو ڪيس پهريان ڪڏهن به نه آيو ڇو جو آئين اهڙن مسئلن لاءِ خاموش آهي.
درخواستگذار چيو ته پارليامينٽرينز اهڙي تڪرار جو ڪڏهن به نه سوچيو هيو، جنهنڪري قانونسازي نه ڪئي وئي. عدالت ۾ داخل ڪيل درخواست ۾ استدعا ڪئي وئي ته سپريم ڪورٽ نشان کسڻ بابت پارليامينٽ کي قانونسازي جي هدايت ڏئي
