وزيراعظم شهباز شريف چيو آهي ته آءِ ايم ايف ڏانهن وڃڻ مجبوري هئي، سخت فيصلا نه ڪيا ته ٻيهر آءِ ايم ايف ڏانهن وڃڻو پوندو.
وزيراعظم شهباز شريف ڪوئيٽا ۾ هاري پيڪج تي صحيح واري تقريب کي خطاب ڪندي چيو ته وفاق، بلوچستان سان گڏجي صوبي جي 28 هزار ٽيوب ويلز کي شمسي توانائي تي منتقل ڪندو، منصوبي تي 55 ارب رپيا لاڳت ايندي جنهن ۾ 70 سيڪڙو وفاق ۽30 سيڪڙو خرچ بلوچستان حڪومت برداشت ڪندي.
شهباز شريف جو چوڻ هيو ته ٽيوب ويلنز شمسي توانائي تي منتقل ٿيڻ سان هاري خوشحال ٿيندا، وفاق 10 سالن ۾ ٽيوب ويلنز لاءِ بجلي جي بلن جي مد ۾ 500 ارب رپيا ڏنا آهن، هر سال 70 کان 80 ارب رپيا بجلي جي بلن جي مد ۾ ادا ڪيا پيا وڃن، بجلي جا بل ادا نه ٿيڻ جو بار وفاق کڻي رهيو آهي.
وزيراعظم جو چوڻ هيو ته بلوچستان ترقي جي ڊوڙ ۾ پوئتي آهي، جنهن جا سبب آهن، جيڪڏهن 500 ارب سبسڊي جو پئسو بلوچستان جي ترقي تي خرچ ٿئي ها ته اڄ صورتحال مختلف هجي ها.
وزيراعظم جو چوڻ هيو ته آبادگارن کي سولر پينل مهيا ڪيا ويندا، وڏي وزير کي خاطري ڪرايان ٿو ته ٽن مهينن اندر 28 هزار ڪنيڪشن لڳي ويندا، هي منصوبو ٽن مهينن ۾ مڪمل ٿيندو.
وزيراعظم چيو ته وفاق بلوچستان ۾ دانش اسڪولن لاءِ بجيٽ ۾ فنڊز رکيا آهن، چئني صوبن جي هڪ هزار شاگرن کي زرعي تربيت لاءِ چين موڪلينداسين. وزيراعظم جو چوڻ هيو ته آءِ ايم ايف وٽ وڃڻ مجبوري هئي، قرضن اسان جي نسلن کي به گروي رکي ڇڏيو اهي، قرضن مان جان آجي ڪرائڻ لاءِ وفاق، صوبا ۽ لاڳاپيل ادارا ڪم ڪندا ته ايندڙ نسل دعا ڏيندا. جيڪڏهن ٽن سالن کانپوءِ ٻيهر آءِ ايم ايف وٽ وڃڻو پيو ته اسان لاءِ ٻڏي مرڻ جو مقام آهي
