اسلام آباد هاءِ ڪورٽ اڳوڻي وفاقي وزير فواد چوڌري کي پرڏيهه وڃڻ جي اجازت ڏئي ڇڏي.
اسلام آباد هاءِ ڪورٽ جي چيف جسٽس عامر فاروق فواد چوڌري طرفان پرڏيهه وڃڻ جي اجازت وٺڻ لاءِ داخل ڪرايل درخواست تي ٻڌڻي ڪئي.
عدالت اڳوڻي وفاقي وزير فواد چوڌري جو نالو ٻِن هفتن لاءِ عارضي طور تي پاسپورٽ ڪنٽرول لسٽ مان ڪڍڻ جو حڪم ڏنو ۽ چيو ته فواد چوڌري 10 کان 24 آگسٽ تائين پرڏيهه وڃي سگهي ٿو. فواد چوڌري عدالت ٻاهران صحافين سان ڳالهائيندي چيو ته هڪ سال کان ڪيسن کي منهن ڏيئي رهيو آهيان، هڪ ڪيس مان نڪران ٿو ته ٻئي ڪيس ۾ گرفتار ڪيو وڃي ٿو، رنجشون ختم ڪرڻ لاءِ ڳالهيون ڪرڻ ضروري آهن
