صدر آصف علي زرداري سان بلوچستان جي وڏي وزير سرفراز بگٽي ملاقات ڪري صوبي جي مجموعي صورتحال تي بريفنگ ڏني آهي.
ايوان صدر ۾ ٿيل ملاقات ۾ بلوچستان جي وڏي وزير سرفراز بگٽي صدر آصف علي زرداري کي امن امان سميت صوبي جي مجموعي صورتحال کان آگاهه ڪيو.
وڏي وزير سرفراز بگٽي صدر کي صوبي ۾ جاري ترقياتي منصوبن بابت بريفنگ ڏني.
ان موقعي تي صدر چيو ته بلوچستان جون آبي ضرورتون پوريون ڪرڻ ۽ زراعت کي هٿي وٺرائڻ لاءِ ڪڇي ڪئنال کي جلد مڪمل ڪرڻ ضروري آهي، صوبائي حڪومت ترقي ۽ عوامي خوشحالي لاءِ اثرائتا قدم کڻي صدر آصف علي زرداري صوبي ۾ جاري منصوبن ۽ امن امان لاءِ صوبائي حڪومت جي کنيل قدمن جي اطمينان جو اظهار ڪيو
