وزيراعظم شهباز شريف سان وفاقي گهرو وزير محسن نقوي ملاقات ڪئي آهي ۽ محرم الحرام دوران امن امان ۽ ملڪ جي مجموعي سياسي صورتحال تي خيالن جي ڏي وٺ ڪئي وئي
وزيراعظم آفيس پاران جاري ڪيل بيان موجب وزيراعظم شهباز شريف سان محسن نقوي ملاقات ڪئي ۽ ان موقعي تي محرم الحرام دوران امن امان جي صورتحال جي حوالي سان ڳالهيون ڪيون ويون
وزيراعظم ملاقات دوران محرم الحرام جي مهيني ۽ خاص طور تي عاشور جي موقعي تي سمورن صوبن، گلگت بلتستان ۽ آزاد ڪشمير جي حڪومتن سان سيڪيورٽي معاملن تي هم آهنگي ۽ رابطا وڌيڪ بهتر ڪرڻ جي هدايت ڪئي ملاقات ۾ وفاقي گهرو کاتي سان لاڳاپيل معاملن تي خيالن جي ڏي وٺ ڪئي وئي
