وزيراعظم محمد شهباز شريف چيو آهي ته جيڪڏهن اسان پنهنجي وسيلن لاءِ ٽيڪس گڏ ڪري ورتي ته آءِ ايم ايف وٽ وڃڻ جي ضرورت نه پوندي.
فيڊرل بورڊ آف روينيو جي هيڊ ڪوارٽر جي دوري جي موقعي تي اجلاس کي خطاب ڪندي وزيراعظم محمد شهباز شريف چيو ته اسان کي ملڪي معيشت کي مستحڪم ڪرڻو آهي،.
هن چيو ته آءِ ايم ايف پروگرام کي آخري پروگرام سمجهون ٿا، گڏيل ڪوششن سان پاڪستان کي عظيم ۽ باوقار بڻايو ويندو.
هن چيو ته آءِ ايم ايف سان اسٽاف ليول جو معاهدو ٿي ويو آهي، آءِ ايم ايف جو ايگزيڪيوٽو بورڊ معاهدي جي منظوري ڏيندو، اسان کي آءِ ايم ايف کان ڇوٽڪارو حاصل ڪرڻو پوندو.
شهباز شريف چيو ته ٽيڪس نظام ۾ موجود ڪمزورين کي ختم ڪرڻو پوندو، ٽيڪس نيٽ وڌائڻ لاءِ ايف بي آر کي جيڪا به مدد گهربل آهي اها ترجيحي بنيادن تي ڪئي ويندي، آءِ ايم ايف ۾ ڊيجيٽلائيزيشن جو عمل شروع ٿي چڪو آهي. وزيراعظم وڌيڪ چيو ته جيڪڏهن پاڪستان پنهنجي وسيلن مان اربين ۽ کربين ٽيڪس جي مد ۾ گڏ ڪئي ته اسان کي ڪجهه اربن لاءِ آءِ ايم ايف وٽ وڃڻ جي ضرورت نه
