صدر آصف علي زرداري چيو آهي ته پائيدار ترقي ۽ گڏيل خوشحالي کي يقيني بڻائڻ لاءِ اوڀر قومن جي گڏيل ڪوششن جي ضرورت آهي.
بيجنگ ۾ چائنا انٽرنيشنل ڊولپمينٽ ڪوآپريشن ايجنسي پاران منعقد ڪيل گڏيل ترقي جي فورم جي ٻي اعليٰ سطحي اجلاس کي ورچوئل خطاب ڪندي صدر آصف علي زرداري چيو ته گلوبل ڊولپمينٽ انيشٽو ۾ گڏيل ترقي کي هٿي ڏئي دنيا جي مستقبل کي ترتيب ڏيڻ جي وڏي صلاحيت آهي.
هن چيو ته ترقي پذير ملڪن کي عالمي ترقي جي عمل ۾ قيادت جو ڪردار ادا ڪرڻ گهرجي، پائيدار ترقي ۽ صحت جهڙن عالمي چئلينجز کي اوڀر جي نقطه نظر کان ڏسڻ جي ضرورت آهي.
آصف زرداري چيو ته دنيا جي اڪثر آبادي اوڀر ملڪن خاص ڪري چين، پاڪستان ۽ ٻين پاڙيسري ملڪن ۾ رهي ٿي،پاڪستان صدر شي جن پنگ ۽ چين طرفان اوڀر ملڪن ۽ پوري دنيا جي قيادت ۾ 21 هين صدي ۾ اڳتي وڌڻ جو خواهشمند آهي . صدر وڌيڪ چيو ته چين جي گلوبل ڊولپمينٽ انيشيٽو جو مقصد پائيدار ترقي جي ايجنڊا تي عملدرآمد کي تيز ڪرڻ آهي، پاڪستان ۽ چين گلوبل ڊولپمينٽ انيشيٽو تي عملدرآمد جي لاءِ مفاهمت جي ياداشت تي صحيحون ڪري چڪا آهن
