پيپلز بس سروس ڪراچي ۾ پبلڪ ٽرانسپورٽ کي بهتر بڻائڻ لاءِ ٽي نوان روٽس شروع ڪرڻ جو اعلان ڪري ڇڏيو ، سينيئر صوبائي وزير شرجيل انعام ميمڻ جو چوڻ آهي ته شهرين جي سهولت لاءِ وڌيڪ بسون آڻي نوان روٽس شروع ڪيا ويندا.
ٽرانسپورٽ کاتي موجب هاڪس بي کان ٽاور تائين روٽ نمبر تيرنهن 22 جولاءِ کان شروع ڪيو ويندو.
روٽ نمبر 12 ۾ واڌ ڪئي ويندي، 23 جولائي کان اهو کوکر پار بدران قائد آباد ۽ ڪورنگي جي رستي ميمڻ ڳوٺ کان ٽاور تائين هلي ويندي .
24 جولائي کان بحريا ٽائون کان نمائش چورنگي تائين اليڪٽرڪ بس جو نئون روٽ اِي وِي فور شروع ڪيو ويندو .
ٽرانسپورٽ کاتي موجب 25 جولاءِ تي يوسف ڳوٺ کان ٽاور تائين روٽ نمبر اٺ شروع ڪيوويندو.
سينيئر صوبائي وزير شرجيل انعام ميمڻ جو چوڻ هو ته ڪراچي ۾ نون روٽس ذريعي ڪراچي ۾ پبلڪ ٽرانسپورٽ وڌائڻ سنڌ حڪومت جي ترجيع جو حصو آهن .
هن چيو ته نوان روٽس متعارف ڪرائڻ جو مقصد شهرين کي سستي، آسان ۽ آرامده سفري سهولتون فراهم ڪرڻ آهي. شرجيل انعام ميمڻ وڌيڪ چيو ته عوام جي بنا فرق جي خدمت ڪرڻ سنڌ حڪومت جو عزم آهي
