سنڌ جي گورنر ڪامران ٽيسوري چيو آهي تاريخ بدلائي رهيا آهيون، نظام کي بدلائڻ جو سڀ کان وڏو سبب ملڪ جون معاشي حالتون آهن.
حيدرآباد ۾ گورنر سنڌ ڪامران خان ٽيسوري آءِ ٽي ڪورس جي شاگردن کي خطاب ڪندي چيو ته جيئن گورنر ھائوس ۾ 50 ھزار شاگرد آئي ٽي ڪورس ڪري رھيا آھن، ساڳي ريت حيدرآباد ۾ به ڪورس ڪري رھيا آھن.
هن چيو ته ڪئين سالن کان آئي ٽي پاڪستان مان ايڪسپورٽ هڪ کان 2 بلين ڊالر آھي، ڀارت جي هر سال 10 بلين ڊالر ايڪسپورٽ وڌي وڃي ٿي، شاگردن کي اھڙو رستو ڏيکاري رھيا آھيون، جنھن ۾ ھو پاڪستان ۽ پنھنجون حالتون تبديل ڪرڻ جي قابل ٿي ويندا.
گورنر سنڌ چيو ته صحافين ۽ سندن فيمليز لاءِ اسپيشل ڪوٽا رکيو ويو آھي، ھڪ شاگرد جو ڪورس 6 کان 8 ھزار ڊالر جو آھي، جيڪو مڪمل طور مفت آھي. گورنر سنڌ ڪامران ٽيسوري چيو ته سياست ڪري ڇڏي آهي، سياست مان ڪجهھ ناھي ملڻو، شاگرد پاڻ ڪمائڻ جي لائق ٿيڻ سان معشيت جي جنگ وڙهي سگهندو، معاشي طور وڙھڻو آھي
