ڪراچي ۾ سنڌ بلڊنگ ڪنٽرول اٿارٽي پاران غيرقانوني اڏاوتن خلاف ڪارروائي ڪئي وئي آهي.
ضلعي اوڀر جي گلشن اقبال واري علائقي ۾ پلاٽ نمبر 48 ۽ 49 جي بلاڪ 3 ۾ غير قانوني اڏاوتون ڪيون ويون، جن کي ڊاهي پٽ ڪيو ويو.
غيرقانوني ٿيل اڏاوتون ڊاهڻ دوران نيو ٽائون پوليس سرڪاري ڪم ۾ مداخلت ۽ مزاحمت ڪندڙن کي گرفتار ڪري ورتو. ڊي جي ايس بي سي اي عبدالرشيد سولنگي جو چوڻ هو ته غير قانوني اڏاوتن جي ڪنهن کي به اجازت نه ڏني ويندي، غير قانوني اڏاوتن کي روڪڻ ۽ مسمار ڪرڻ واري عمل کي شفاف ۽ يقيني بڻايو ويندو.
