سنڌ جي تعليم کاتي موسم جون حالتون نظر ۾ رکندي گرمي جي موڪلن ۾ واڌ ڪري ڇڏي.
تعليم کاتي جي صوبائي وزير سيد سردار شاهه جي هدايت تي تعليم کاتي جي اختيارين گرمي جون موڪلون 14 آگسٽ تائين وڌائڻ جو نوٽيفڪيشن جاري ڪري ڇڏيو.
تعليم واري صوبائي وزير سيد سردار شاهه چيو آهي ته سخت گرمي ۽ برسات جي امڪان سبب گرمي جي موڪلن ۾ واڌ ڪئي وئي آهي، اسڪولن ۾ 14 آگسٽ جي حوالي سان پروگرام ۽ هم نصابي سرگرمين کي جاري رکيو ويندو. صوبائي وزير سيد سردار شاهه چيو ته سمورا سرڪاري توڙي خانگي اسڪول جشن آزادي جي مناسبت سان پروگرامز منقعد ڪندا، موڪلن کان پوءِ 15 آگسٽ تي نئون تعليمي سال شروع ٿيندو
