سنڌ جي وڏي وزير سيد مراد علي شاهه پاران چيئرمين بلاول ڀٽو زرداري جي هدايت تي پرڏيهي آفيس سان رابطو ڪرڻ جو فيصلو ڪيو ويو آهي.
وڏي وزير سيد مراد علي شاهه چيو آهي ته ميانمار مان سنڌ جي ٽن نوجوانن کي زبردستي اغوا ڪيو ويو، جيڪو انتهائي ڏکوئيندڙ واقعو آهي.
وڏي وزير چيو ته وفاقي حڪومت مغوين جي فوري بازيابي کي يقيني بڻائڻ لاءِ سفارتي لاڳاپا استعمال ڪري، نوجوانن تي تشدد ڪيو ويو، جنهن جي مذمت ڪريون ٿا.
وڏي وزير سيد مراد علي شاهه چيو ته هُو مغوين جي بازيابي لاءِ پنهنجي پوري صلاحيت استعمال ڪندا. ترجمان موجب سنڌ جي وڏي وزير سيد مراد علي شاهه اغوا ٿيل نوجوان جي وارثن سان همدردي جو پڻ اظهار ڪيو آهي
