ڪي پي ڪي ۾سيڪيورٽي فورسز جي ٽن ڌار ڌار آپريشنز ۾ 5 دهشتگرد مارجي ويا آهن
آءِ ايس پي آر موجب ڪي پي جي ضلعي مهمند ۾ ڳجهي اطلاع تي آپريشن ڪيو ويو ۽ فتنته الخوارج جي قاري سميت 3 دهشتگردن کي جهنم واصل ڪيو ويو
آپريشن دوران دهشتگردن جي ٺڪاڻن کي به تباهه ڪيو ويو ۽ قبضي مان هٿيار ۽ ڌماڪيدار مادو هٿ ڪيو ويو، فائرنگ جي ڏي وٺ ۾ ڪي پي پوليس جي اهلڪار ابرار حسين شهادت ماڻي
ڊيرا اسماعيل خان ۾ آپريشن دوران فورسز دهشتگردن جي ٺڪاڻن کي تباهه ڪيو، مقابلي دوران فتنته الخوارج جو خارجي صفت الله المعروف ملا منصور مارجي ويو ۽ 3 دهشتگرد زخمي ٿي پيا
خارجي صفت الله 12 ڊسمبر 2023 کي درابن ۾ آپگهاتي حملي ۾ سهولتڪاري سميت علائقي ۾ دهشتگردي جي ڪيترن ئي ڪاررواين ۾ ملوث هيو ۽ قانون لاڳو ڪندڙ ادارن کي گهربل هيو
اتر وزيرستان جي ضلعي ۾ ٿيل ٽئين آپريشن ۾ فتنته الخوارج جو وڌيڪ هڪ دهشتگرد مارجي ويو. آءِ ايس پي آر موجب سيڪيورٽي فورسز پاڪستان ۾ امن ۽ استحڪام کي يقيني بڻائڻ لاءِ ٻين قانون لاڳو ڪندڙ ادارن سان ڪلهو ڪلهي سان ملائي بيٺي آهي، فورسز جي جوانن جون اهڙيون قربانيون عزم کي وڌيڪ مضبوط ڪن ٿيون
