اينٽي ڪرپشن ۽ زراعت واري صوبائي وزير محمد بخش مهر سان چيئرمين اينٽي ڪرپشن سيد ذوالفقار علي شاهه ملاقات ڪئي آهي
ڪراچي ۾ ٿيل ملاقات ۾ چيئرمين اينٽي ڪرپشن صوبائي وزير کي کاتي جي ڪارڪردگي، پراسيڪيوٽرز ۽ انويسٽيگيشن آفيسرن کي تربيت ڏيڻ بابت اڳڀرائي تي تفصيلي بريفنگ ڏني
ان موقعي تي اينٽي ڪرپشن واري صوبائي وزير محمد بخش مھر چيئرمين اينٽي ڪرپشن کي ھدايتون ڏيندي چيو ته ڪرپشن خلاف شڪايتن جو بروقت ازالو ڪيو وڃي، شفافيت کي نظر ۾ رکندي زير التوا ڪيسن کي ترجيحي بنيادن تي حل ڪيو وڃي
صوبائي وزير محمد بخش مھر چيو ته پيپلزپارٽي جي چيئرمين بلاول ڀٽو زرداري ڪرپشن جي خاتمي لاءِ سخت هدايتون ڏنيون آهن، اينٽي ڪرپشن کاتي جي ڪارڪردگي کي وڌيڪ بهتر بڻائڻ لاءِ ڪوششون ڪري رهيا آهيون
