گورنر سنڌ ڪامران خان ٽيسوري سان مجلس وحدت المسلمين جي اڳواڻ ۽ ڪرم ضلعي مان چونڊيل قومي اسيمبلي جي ميمبر حميد حسين ملاقات ڪئي آهي
ملاقات ۾ موجوده صورتحال ۽ دهشتگردي جي خاتمي ۾ فورسز جي ڪردار سميت ٻين معاملن تي خيالن جي ڏي وٺ ڪئي وئي
ان موقعي تي گورنر سنڌ ڪامران خان ٽيسوري چيو ته پاڪستان هڪ ئي وقت مختلف چئلينجز کي منهن ڏئي رهيو آهي، ان حوالي سان معاشي صورتحال سان گڏ اندروني معاملن تي به عالمن جو ڪردار اهم آهي
هن چيو ته دهشتگردي ۽ گروهي اختلافن ۾ بيروني هٿ ملوث آهن، تڪفيري عنصرن به پنهنجو سر مٿي کنيو آهي، عالمن کي اڳتي وڌي ان جو رستو روڪڻ گهرجي. قومي اسيمبلي جي ميمبر حميد حسين چيو ته دهشتگردي ۽ گروهي اختلافن خلاف هميشه آواز اٿارڻ گهرجي، پاڪستان کي مستحڪم ڪرڻ لاءِ سڀني کي اتحاد، اتفاق ۽ نظم برقرار رکڻو پوندو
