ڪراچي جي مختلف علائقن مان برساتي پاڻي نيڪال نه ٿي سگهيو، مُک شاهراهن، چونڪن توڙي هيٺانهين وارن علائقن ۾ برسات جو پاڻي تلائن جو ڏيک ڏئي رهيو آهي
رهواسين مطابق انتظاميا شهر مان پاڻي نيڪال لاءِ ڪي به جوڳا اپاءُ نه ورتا، روڊن تي پاڻي بيٺل هجڻ سبب تڪليفن کي منهن ڏيڻو پئجي رهيو آهي
ميئر ڪراچي ملڪ کان ٻاهر هئڻ سبب انتظاميا صفائي توڙي پاڻي نيڪال ڪرڻ ۾ مڪمل طور ناڪام ٿي ويئي آهي، ڊپٽي ميئر ڪراچي به رڳو فوٽو سيشن ڪري گهر روانو ٿي ويو
نارٿ ناظم آباد، نيو ڪراچي، ملير 15، ڪالا بورڊ، قائدآباد، ڀٽائي آباد، شير شاهه، لياري، محمود آباد ۽ ڪورنگي جي علائقي واري آبادين ۾ برسات جو گندو پاڻي بيهڻ سبب ڊينگي سميت ٻين مختلف بيمارين جي پکڙجڻ جو خدشو پڻ وڌي ويو آهي. ٻئي پاسي ڪي ايم سي پاران رين ايمرجنسي لاڳو ڪرڻ باوجود به برساتي پاڻي نيڪال ڪرڻ تي شهرين پاران سخت تنقيد ڪئي پئي وڃي
