وزيراعظم شهباز شريف چيو آهي ته هڪ وقت ايندو ڀارت ۽ اسرائيل کي ان ظلم جو حساب ڏيڻو پوندو، ڪشمير ۾ ڀارت جي ظالماڻي قدمن شهرين جي زندگي جنجال بڻائي ڇڏي آهي
يوم استحال ڪشمير جي موقعي تي وزيراعظم شهباز شريف آزاد ڪشمير جي قانونساز اسيمبلي کي ويڊيو لنڪ ذريعي خطاب ڪندي چيو ته 77 ورهين کان ڪشميرين سان ظلم ٿي رهيو آهي ۽ 5 آگسٽ تي ڪشميرين جي حقن کي غضب ڪيو ويو، اهو ڏينهن ضرور ايندو جڏهن ڪشميرين کي آزادي ملندي، ڪشميرين کي حق ملڻ تائين پاڪستان حمايت جاري رکندو، بهتر اهو آهي ته اسان امن جو رستو اختيار ڪيون ۽ ويهي تڪرار کي حل ڪيون
هن چيو ته 5 آگسٽ کي اهميت آهي ڇو ته 14 آگسٽ کان پهريان 5 آگسٽ ايندي آهي ۽ اڄ جي ڏينهن ڀارتي حڪومت والاريل ڪشمير ۾ رهواسين جي حقن تي ڌاڙو هنيو، 5 آگسٽ 2019 تي ڪشمير جي حقن کي غضب ڪيو ويو. وزيراعظم چيو ته آرٽيڪل 370 ۽ شق 35 اي جو خاتمو ڪري والاريل ڪشمير ۾ غير رياستي ماڻهن کي آباد ڪرڻ جو غيرقانوني حق ڏنو ويو ۽ اتي رهندڙ ماڻهن جون ملڪيتون ناجائز طور تي خريدڻ جو حق ڏنو ويو
