سپريم ڪورٽ مارگلا نيشنل پارڪ ۾ ڪمرشل سرگرمين روڪڻ واري حڪم تي عمل نه ڪرڻ تي سخت ڪاوڙ جو اظهار ڪيو آهي.
چيف جسٽس قاضي فائز عيسيٰ جي سربراهي ۾ قائم سپريم ڪورٽ جي بينچ ڪابينا سيڪريٽري،اٽارني جنرل ۽ نجي ريسٽورنٽ جي مالڪ کي طلب ڪري ورتو.
چيف جسٽس قاضي فائز عيسيٰ معاملو وزيراعظم جي نوٽيس ۾ آڻڻ جي هدايت ڪري ڇڏي.
عدالت وائلڊ لائيف بورڊ جي چيئرپرسن کي عهدي تان هٽائڻ وارو حڪم معطل ڪري ڇڏيو.
عدالت وائلڊ لائيف بورڊ کي گهرو وزارت جي ماتحت ڪرڻ جي نوٽيفڪيشن تي به عمل روڪي ڇڏيو.
چيف جسٽس رمارڪس ڏنا ته عدالتي حڪم بعد وائلڊ لائيف کاتي کي گهرو وزارت جي ماتحت ڪيو ويو،وزارت جو ڪم امن امان قائم ڪرڻ آهي. چيف جسٽس چيو ته قومي اثاثي جي تحفظ جي عدالتي حڪم جي سنگين ڀڃڪڙي ڪئي وئي
