صدر آصف علي زرداري قومي ايٿليٽ ارشد نديم کي اولمپڪس ۾ شاندار ڪارڪردگي ذريعي پاڪستان جو نالو روشن ڪرڻ تي هلال امتياز ڏيڻ جي هدايت ڪري ڇڏي
صدر ارشد نديم کي راند جي ميدان ۾ نمايان خدمتن جي اعتراف ۾ خاص تقريب دوران سول ايوارڊ سان نوزيندو
صدر جي هدايت تي ايوانِ صدر طرفان ارشد نديم کي سول ايوارڊ عطا ڪرڻ لاءِ ڪابينا ڊويزن کي خط لکيو ويو آهي
خط ۾ چيو ويو آهي ته ارشد نديم بهترين ڪارڪردگي ذريعي راند جي ميدان ۾ قوم جو ڳاٽ اوچو ڪيو آهي، قومي ايٿيليٽ جي عالمي سطح تي شاندار ڪاميابي قوم لاءِ فخر جو سبب بڻي
خط موجب، ارشد نديم ايٿيليٽڪس جي ميدان ۾ ملڪ جو نالو روشن ڪيو، صدر آئين جي آرٽيڪل 259 ٻه تحت ارشد نديم کي سول ايوارڊ ڏيندو . صدر آئين تحت مختلف شعبن ۾ نمايان خدمتون انجام ڏيندڙ پاڪستاني شهرين کي سول ايوارڊ ڏئي سگهي ٿو
