صدر مملڪت ملڪ جي آزادي واري ڏهاڙي جي موقعي تي قيدين جي سزائن ۾ 90 ڏينهن جي رعايت ڏئي ڇڏي
صدر آصف علي زرداري آئين جي آرٽيڪل 45 تحت قيدين جي سزا گهٽائڻ جي منظوري ڏني
قتل، اغوا، لڄالٽ، دهشتگردي، جاسوسي ۽ رياست مخالف سرگرمين ۾ ملوث قيدين کي سزا ۾ رعارت نه ملندي
سزا ۾ گهٽتائي انهن قيدين تي لاڳو نه ٿيندي جن کي فارينرز ايڪٽ 1946 ۽ نارڪوٽڪس ڪنٽرول (ترميمي) ايڪٽ 2022 تحت سزا مليل آهي
سزا ۾ گهٽتائي 65 سالن کان مٿي عمر وارن مرد قيدين تي لاڳو ٿيندي جن پنهنجي سزا جو ٽيون حصو قيد ۾ گذاريو آهي
سزا ۾ رعايت 60 سالن کان مٿي عمر جي انهن عورت قيدين تي به لاڳو ٿيندي جن پنهنجي سزا جو ٽيون حصو جيل ۾ گذاريو آهي، سزا ۾ گهٽتائي انهن عورتن تي به لاڳو ٿيندي جيڪي جيلن ۾ ٻارن سميت قيد آهن. سزا ۾ گهٽتائي 18 سالن کان گهٽ عمر وارن قيدين تي به لاڳو ٿيندي، جن به پنهنجي سزا جو ٽيون حصو جيل ۾ گذاريو آهي
