وزيراعظم شهباز شريف چيو آهي ته اوڀر پاڪستان اسان جو حصو هو، جيڪو بدقمستي سان جدا ٿي ويو، جنهن شخص پاڪستان کي ورهايو، بنگالين ان جي مجسمن سان ڪهڙو حشر ڪيو؟
يوٿ ڪنوينشن کي خطاب ڪندي وزيراعظم شهباز شريف چيو ته گذريل ڪجه سالن دوران غلطين سبب دهشتگردي ٻيهر ڪر کڻي رهي آهي، ملڪ کي ورهاڱي نه پر يڪجهتي جي ضرورت آهي
هن چيو ته پنجاب حڪومت عوام کي 45 ارب رپين جو رليف ڏنو آهي، ان تي سياست نه ٿيڻ گهرجي، دهشتگردي جي خاتمي لاءِ 70هزار پاڪستانين قربانيون ڏنيون ۽ معيشت کي 150ارب ڊالرز جو نقصان پهتو.
سندس چوڻ هيو ته ملڪي معيشت کي 150 ارب ڊالرز جو نقصان ٿيو، پر دنيا رڳو 20 ارب ڊالرز ڏنا
اڄ پي آءِ جي نجڪاري ڪرڻي پئجي رهي آهي، اسان جي ترقياتي منصوبي کي ڏکڻ ڪوريا ڪاپي ڪيو، معيشت کي صحيح ڪرڻو آهي، نوجوانن کي ترقي لاءِ وسيلا ڏينداسين وزيراعظم شهباز شريف چيو ته ميرٽ جي بنياد تي شاگردن کي ليپ ٽاپ ڏنا، بجلي عام ماڻهو لاءِ سڀ کان وڏو چئلينج بڻجي وئي آهي
