وڏي وزير سيد مرادعلي ُشاهه ميرپورساڪرو ۾ 40 گهر ڊهڻ ۽ 25 ماڻهو زخمي ٿيڻ واري واقعي جونوٽس وٺندي متاثر خاندانن جي مدد جي هدايت ڪندي ڊي سي کان رپورٽ طلب ڪري ورتي آهي
برسات متاثر ضلعن جي دورن تي نڪتل وڏي وزير مراد علي شاهه ملير، ٺٽو، بدين، سجاول ۽ ٽنڊومحمد خان جو دورو ڪري برساتي پاڻي جي نيڪال جو جائزو ورتو
وڏي وزير مراد علي شاهه گهگر ڦاٽڪ وٽ روڊ تي پاڻي هجڻ تي ڪاوڙ جو اظهار ڪندي ڊي سي ملير کي فوري طور روڊ ڪليئر ڪرڻ جون هدايتون ڪيون ۽ گهاري ۾ پل جي هلندڙ اڏاوتي ڪم جو جائزو ورتو
وڏي وزير مراد علي شاهه ٺٽو پهچي برساتي پاڻي جي نيڪال جو جائزو ورتو، ان موقعي تي ٺٽي ضلعي جي فوڪل پرسن ۽ صوبائي وزير علي حسن زرداري وڏي وزير کي انتظامن ۽ پاڻي نيڪال بابت بريفنگ ڏني
وڏي وزير چيو ته بنگلاديش کان ايندڙ برساتي سسٽم ٻن ڏينهن کان سنڌ ۾ وسي رهيو آهي، سڀ کان وڌيڪ ٿرپارڪر ۾ برسات پئي آهي. برساتن سبب ٺٽو، سجاول، بدين، ٿرپارڪر، شهيدبينظير آباد ۽ ڄامشورو کي خطرو آهي
وڏي وزير چيو ته صورتحال تي نظر آهي، پاڻي نيڪال ڪرڻ ۾ وقت لڳندو آهي، ٻوڏ متاثرن کي 20 لک گهر ٺاهي ڏينداسين، 2 لک گهر ٺهي چڪا آهن وڏي وزير مراد علي شاهه بدين پهچي برساتي پاڻي جي نيڪال ۽ ٿيل نقصان جو جائزو ورتو، ان موقعي تي ڊي سي بدين وڏي وزير کي برساتي پاڻي جي نيڪال بابت بريفنگ ڏني
