صوبائي وزير ۽ رين ايمرجنسي جي فوڪل پرسن علي حسن زرداري چيو آهي ته پيپلز پارٽي هن ڏکئي گهڙي ۾ عوام کي اڪيلو نه ڇڏيندي، متاثرن جي سهائتا ڪندي کين محفوظ هنڌن ڏانهن منتقل ڪري رهيا آهيون
صوبائي وزير ۽ رين ايمرجنسي جي فوڪل پرسن علي حسن زرداري ڪيٽي بندر جو دورو ڪري ٻوڏ متاثرن سان ملاقات ڪئي ۽ انتظاميه کي متاثرن جي هر ممڪن مدد جي خاطري ڪرائي
ان موقعي تي صوبائي وزير چيو ته پيپلز پارٽي ڏکيائين ۾عوام کي اڪيلو ناھي ڇڏيو، پارٽي چئيرمين بلاول ڀٽو جي سموري ٽيم عوام جي وچ ۾ آھي عوام کي ھر سھولت ڏني ويندي
هن چيو ته پوري ضلعي جي متاثرن جي سھائتا ڪري رھيا آھيون ماڻھن کي محفوظ ھنڌن ڏانهن منتقل ڪري رهيا آهيون ته جئين امڪاني طوفان سبب ڪو جاني نقصان نه ٿئي
هن چيو ته مسلسل پوندڙ برساتن سبب زراعت کي نقصان پھتو آھي، سنڌ حڪومت پاران زميندارن ۽ متاثرن جي ھر ممڪن مدد ڪئي ويندي. صوبائي وزير علي حسن زرداري رورل ھيلٿ سينٽر ڪيٽي بندر جو پڻ دورو ڪري صحت جي سھولتن جو جائزو ورتو ۽ عملي جي موجودگي توڙي دوائن جي پورائي ھجڻ تي واکاڻ ڪئي
