سنڌ اسيمبلي غيرقانوني طور ترسيل پرڏيهين نيڪالي ڏيڻ لاءِ مهملي واري رٿ منظور ڪري ورتي
رٿ جي متن ۾ ڄاڻايو ويو آهي ته سنڌ ۾ غير قانوني طور رهندڙ پرڏيهين کي پنهنجن ملڪن ڏانهن موڪليو وڃي
صوبائي گهرو وزير ضياءُ الحسن لنجار چيو ته سنڌ ڌرتي غيرقانوني طور رهندڙ پرڏيهين جو بار برداشت نه ٿي ڪري سگهي، سموريون ايجنسيون اسان کي ان حوالي سان ڊيٽا فراهم نٿيون ڪري سگهن
سعيد غني چيو ته ملڪ اندر دهشتگردي ۾ به غيرقانوني ترسيل ڌاريا ملوث آهن
آغا سراج دراني چيو ته جيڪي به غيرقانوني سنڌ ۾ داخل ٿين ٿا انهن کي واپس موڪلڻ گهرجي، ٻين ملڪن مان سرحدون پار ڪري ايندڙ سمورا ڌاريا سڌو سنڌ پهچي وڃن ٿا
ماروي فصيح چيو ته ڪراچي ۾ افغانين جون هڪ سئو کان وڌيڪ غيرقانوني ڪالونيون ٺهي ويون آهن جتي قانون لاڳو ڪندڙ ادارن جا اهلڪار به نه ٿا وڃي سگهن
ايم ڪيو ايم ميمبر راڻا شوڪت چيو ته سنڌ کي عالمي يتيم خانو سمجهيو پيو وڃي، نادرا سنڌ ۾ ڌارين جا سڃاڻپ ڪارڊ ڪيئن ٺاهي رهي آهي، ڪراچي جي سبزي منڊي ۾ زميندار جي ڪوٽا تي به افغاني ڀرتي ٿيل آهن. جنهن بعد سنڌ اسيمبلي جو اجلاس 6 سيپٽمبر 2 وڳي تائين ملتوي ڪيو ويو
